Эльбрус шыңын бағындырған қазақстандық альпинист жетістігін Салтанатқа арнады

Қазақстандық альпинист Сапфира Қанаева 5642 метр биіктікте орналасқан Эльбрус шыңын бағындырған жетістігін марқұм Салтанат Нүкенованың рухына арнады, деп хабарлайды El.kz ақпарат агенттігі.

Ол 3 мамырда таңертең тәжірибелі альпинистермен бірге Эльбрус шыңына жол тартып, бірнеше сағаттан соң діттеген жеріне жеткен еді.

Салтанат мен үшін тек шабыт болған жоқ. Тау шыңына көтерілу идеясы маған Кабардин-Балқардағы Теріскөлде жүргенімде келді. Онда мен Еуропаның ең биік нүктесі – Эльбрусқа шығып, жеңісті Салтанатқа арнауды жоспарладым. Бойжеткеннің қайғылы өлімінің оқиғасы көптеген адамның жүрегін елжіретті. Соның ішінде мен де бармын. Мен бірдеңе істеп, тауларды жылжытып, әділдікті қалпына келтіргім келді, - деп бөлісті ол.

Еске салайық, Сапфира Қанаева «Жеті құрлықтың жеті шыңын» бағындырған тұңғыш қазақ әйелі.