Ел азаматтарына жаңа ЭЦҚ беріледі

Енді барлық мемлекеттік қызмет үшін бірыңғай электронды цифрлық қолтаңба енгізіледі, деп хабарлайды El.kz ақпарат агенттігі.

Цифрлық қолтаңбаны алу, сақтау және пайдалану процедурасын жеңілдету үшін екі кілттің орнына бір кілт беру туралы шешім қабылданған.

eGov порталының Telegram-арнасында жеке және заңды тұлғаларға МемСТ алгоритмі негізінде бір кілт беріледі, ол авторизациялау үшін де, қол қою үшін де қолданылатыны туралы айтылды.

Бұрын шығарылған электронды цифрлық қолтаңбалар жарамдылық мерзімі аяқталғанға дейін жарамды болады. Электронды қолтаңбаның жаңа ГОСТ 2015 стандартын мобильді қосымшада пайдалану үшін eGov Mobile қосымшасын жаңартсаңыз жеткілікті.