Экология министрі көлікті бес минуттан артық қыздырмауды қолдайтынын айтты

Экология және табиғи ресурстар министрі Ерлан Нысанбаев көлікті 5 минуттан астам қыздырудың экологияға зиянды екенін жеткізді, деп хабарлайды El.kz ақпарат агенттігі.

Оның айтуынша, норма заңда бар, тек бұрын пайдаланылмаған.

Ереже 20 жылдан астам уақыт бар. Әрине, елді мекендердің экологиялық жағдайын түзеу үшін бостан-бос қызып тұрған мәшинені тәртіпке келтіру мәселесін қолдаймыз, — деді ол.

Министр айыппұл салу арқылы бюджетті толтыру көзделмегенін айтты.

Жалпы біз мәселелерді жан-жақты қарастырып жатырмыз. Мысалы, Алматы қаласының кіре берістерінде 19 экологиялық пост қойдық. Астана мен Алматының өзінде ғана 600-700 мыңдай тіркелген болса, күніне кіретін мәшиненің саны 400 мыңнан астам. Соның бәрі экологиялық тұрғыдан қарағанда қозғалтқышы бостан-босқа сөндірілмеген мәшине, әрине, қоршаған ортаны ластауға үлес эқосады. Сол себептен біз оны екі қолмен қолдаймыз, — деді министр.