Дженнифер Лопестің концерті: Әкімдік астаналықтарға ескерту жасады

1 тамыз күні елордадағы «Астана Арена» стадионында әлемге әйгілі америкалық әнші Jennifer Lopez өзінің «Up All Night» атты әлемдік туры аясында өнер көрсетеді, деп хабарлайды El.kz интернет порталы.

Ауқымды концерттің өтуіне байланысты қоғамдық қауіпсіздікті қамтамасыз ету, қонақтардың ыңғайлы келіп-кетуі мен қозғалысын ұйымдастыру мақсатында «Астана Арена» стадионы маңындағы «Алау» мұз сарайы мен «Сарыарқа» велотрегі жағынан автокөлік қозғалысы уақытша шектеледі.

Көлікті келесі орындарға қоюға болады: «Астана Арена» стадионы, «Алау» мұз сарайы, «Барыс Арена» мұз айдыны, «Сарыарқа» велотрегі, Ботаникалық бақ (Бұқар жырау және Орынбор көшелері жағынан), Керей мен Жәнібек хандар көшесі және басқа да тұрақ орындары.

Дженнифер Лопестің концертіне келушілердің ыңғайлығы үшін қала бойынша бес орыннан «Астана Арена» стадионына және кері бағытта қатынайтын арнайы шаттл-автобустар қатынайды:
Астаналық цирк тұрағы;
«Әзірет Сұлтан» мешітінің тұрағы;
«QAZAQSTAN» спорт кешенінің тұрағы;
Тұран даңғылы жағынан Орталық саябақтың тұрағы;
«Бас мешіт» тұрағы.

Шаттл-бастар концерт басталғанға дейін және аяқталғаннан кейін екі бағытта қатынайды. Кептелістер мен тұрақ мәселесіне тап болмас үшін фестиваль көрермендері қоғамдық көлікпен қатынағаны жөн.