Дүниежүзілік көшпенділер ойындарына іріктеу: Астанада садақ атудан турнир өтті

Астана қаласында дәстүрлі садақ атудан «Чемпиондар лигасы»  республикалық турнирі өтті. 

Үш күнге созылған жарыс барысында ұлттық құрама мүшелері жамбы және пута нысаналары бойынша өзара бақ сынады. Турнир қорытындысы бойынша үздік нәтиже көрсеткен спортшылар VI Дүниежүзілік көшпенділер ойындарына жолдама алады. Сондай-ақ жеңімпаздар мен жүлдегерлерге ақшалай сыйақы қарастырылған.

Жарыстың ресми бөлігінде «Sadaq aty» федерациясының президенті Нартай Сәрсенғалиев алдағы Көшпенділер ойындарына баратын спортшылар анықталғанын және ұлттық спортты дамыту бағытындағы жұмыстар жалғасып жатқанын атап өтті.

 Көшпенділер ойынына баратын үш ерді, үш қызды анықтадық. Бүгін, бұйырса, жолдама алғанын өздеріңіз тамашалайсыздар. Бұдан бөлек осы чемпиондар лигасына келген спортшыларымызға, ұлттық құрамаға қосылғысы келген спортшыларды ынталандыра түсу үшін, біздің спортты келесі деңгейге көтеру үшін біз арнайы жамбы нысанасын қойдық. Бұл қазақтың ұлттық нысанасы. Біз қаңтар айында бұны әлемдік жарыстардың тізіміне енгіздік, – деді «Sadaq aty» Республикалық дәстүрлі садақ ату федерациясының президенті 24.kz арнасына берген сұхбатында. 

Жарыс нәтижелері бойынша «жамбы» нысанасында ерлер арасында Жәнібек Кулмирзаев жеңімпаз атанса, әйелдер арасында Сабира Жаппар үздік шықты. Ал «пута» нысанасында ерлерден Әли Сейсегюзел, әйелдерден Айкөркем Батихан бірінші орын иеленді.

Айта кетейік, VI дары 2026 жылғы тамыз айының соңында Қырғызстанда өтеді.