Дубайда 1,5 мың қазақcтандықтың жылжымайтын мүлігі бар

Дубайда 1,5 мың қазақстандықтың жылжымайтын мүлігі бар. Бұл туралы  Еуропа салық обсерваториясы жариялаған баяндамада белгілі болды,- деп хабарлайды El.kz.

Еуропа салық обсерваториясы сарапшыларының мәліметінше, 800 мың шетел азаматының жылжымайтын мүлігі тіркелген.

Құжатта келтірілген мәліметке сенсек, офшорлық жылжымайтын мүліктің үлесі басым. Шетелдік бай-манаптар Дубайдағы жылжымайтын мүлікке 146 миллиард долларға жуық инвестиция салған.

Аталмыш баяндамада 1550 қазақстандықтың иелігіндегі 2694 нысан бар екені айтылған. Олардың жалпы сомасы 1,018 млрд долларды құрап отыр.

«Дубай – қазақтардың екінші астанасы» деген қалжың  тегін айтылмаса керек.