«Достығымыз мәңгілік»: Қазақстан мен Өзбекстан бапкерлерінің қарым-қатынасы көпшілікті сүйсіндірді

Италияда бокстан Өзбекстан ұлттық құрамасының бапкері Рахматжон Рузиахунов пен Қазақстан құрамасының бапкері Мырзағали Айтжанов кездесуі көпшілікті сүйсіндірді, деп хабарлайды El.kz ақпарат агенттігі.

Бапкерлер Париж олимпиадасы сарапқа салынған турнирден соң кездесіп, бір-бірін құттықтаған.

Қазақстан мен Өзбекстан боксшылары финалда кездессін. Достығымыз мәңгілік, – деді өзбекстандық маман Рахматжон Рузиахунов.

Бұл аламанда екі елдің де боксшылары Олимпиада ойындарына бес жолдамадан иелік етті. Қазақстан құрамасынан Сәкен Бибосынов (51 келі), Махмұд Сабырхан (57 келі), Асланбек Шымбергенов (71 келі), Нұрбек Оралбай (80 келі) және Айбек Оралбай (92 келі) Парижде өтетін әлемдік додаға қатысуға мүмкіндік алды.