Дональд Трамп Рим Папасын жерлеу рәсіміне киіп келген киімі үшін сынға қалды

АҚШ президенті Дональд Трамп Рим Папасы Францискті жерлеу рәсіміне киген киімі үшін көпшіліктен сөз естіді. Оқырман қауым Трампты X әлеуметтік парақшасында сынап тастаған, деп хабарлайды El.kz ақпарат агенттігі.

Ватикан қоштасу мессысына қатаң дресс-код енгізген: ер адамдар рәсімге қара костюм, ұзын қара галстук және ақ жейде киіп келуі керек еді. Алайда АҚШ-тың бұрынғы президенті бұл талапты елемей, жұрт алдына көк костюм мен дәл сондай түсті галстукпен шықты.

Мессаны онлайн қарап отырғандар Трамптың киім үлгісіне ашуланды.

«Трамп — Папа Францисктің жерлеу рәсіміне ашық көк костюм киіп келген жалғыз ірі тұлға», «Трамп Папаның жерлеуінде назар аудартуға тырысып жүр», «Қара галстук тағуға да ар-ұяты жетпеген бе?», «BBC News арқылы жерлеу рәсімін қарап отырмын. Барлығы қара киімде, ал Трамп көк костюммен. Ешқандай құрмет жоқ», «Ол мүлдем орынсыз көрініп тұр», — деп өз наразылығын білдірді.