Доллар бағасы тағы арзандады

Қазақстан Ұлттық банкі 6 наурызға арналған доллар мен рубльдің теңгеге қатысты ресми бағамын белгіледі, деп хабарлайды El.kz ақпараттық агенттігі.

Бүгін доллар бағамы тағы бірден 4 теңгеге құлдырап, 431,08 теңге болып бекітілді.

Еске сала кетсек, өткен аптаның соңында америкалық валюта бағамы 435,69 теңге болған еді.

Ресей рублінің ресми бағамы 5,72 теңге болды.

Қазақстандық қор биржасының мәліметінше, бүгін таңғы сағат 8.00-дегі жағдай бойынша Алматыдағы ақша айырбастау орындарында доллардың орташа бағамы 433 теңгеден сатып алынып, 437,5 теңгеден сатылып жатыр. Астананың ақша айырбастау орындарында да орташа есеппен 433 теңгеден сатып алынып, 436,5 теңгеден сатылып жатыр.

Бүгінгі ресми валюта бағамы бойынша:

• USD / KZT – 431,08 (АҚШ доллары)
• EUR / KZT – 457,29 (еуро)
• RUB / KZT – 5,72 (ресейлік рубль)
• TRY / KZT – 22,81 (түрік лирасы)
• CNY / KZT – 62,45 (қытай юані)
• KGS / KZT – 4,93 (қырғыз сомы)
• UZS / KZT – 3,8 (өзбек сомы).