Доллар бағасы 526 теңгеге дейін көтерілді

Астана мен Алматы қалаларындағы ақша айырбастау пункттерінде АҚШ доллары 519 — 526 теңге аралығында саудаланып жатыр, деп хабарлайды El.kz ақпарат агенттігі.

Ұлттық банк 20 сәуірге арналған ресми бағам ретінде 1 АҚШ долларын 521,9 теңге деп бекітті. Бұл көрсеткіш 18 сәуір күнгі сауда нәтижелерімен салыстырғанда 1,28 теңгеге жоғарылаған.

Алматыда долларды сатып алу бағамы 521 теңге болса, сату бағамы 523 теңге шамасында. Еуро 592 — 597 теңге аралығында ұсынылуда. Ресей рублінің бағамы 6,30 — 6,45 теңге арасында.

Астанада доллар 519 теңгеден сатып алынып, 526 теңгеден сатылып жатыр. Еуроның сатып алу бағасы — 589 теңге, сату бағасы — 596 теңге.

Ресей рублінің орташа сараланған бағасы — 6,39 теңге. Бұл көрсеткіш те нарықтағы өзгерістерге байланысты құбылып отыр.