Динара Сәдуақасованың өмірлік ұстанымдары

27.04.2017 09:32

Шахматпен алғаш бес жасымда таныстым. Ол менің хоббиім ғана еді. Алдыма биік мақсаттар қоймаған болатынмын. Халықаралық аренадағы алғашқы жетістігімнен соң, биіктерді бағындыра алатынымды түсіндім. Әлем чемпионы боламын деп талап қойдым.

«Тыныш жүрсең – ары қарай жылжи бересің» дегендей, тура ұмтыла берсең, өз мақсатыңа жетпей қоймайсың. Ең бастысы, тек қана алға!

Арманым – ерлер арасындағы әлемдік шахмат элитасына қосылғым келеді!

Елдің және ұлттың рухани дамуы – барлығымыздың алдымызда тұрған міндеттердің бірі. Жеке адамдардың емес, барлық халықтың бәсекеге қабілеттілігін жоғарылату арқылы айтарлықтай жетістіктерге қол жеткізуге болады.

Ынта, табандылық және мақсатқа талпынушылық білдірген әр адам жоғары жетістіктерге жете алады.

Әр жеңістен кейінгі сезімді сөзбен жеткізе аламаймын. Мен бүгінгі жеткен жетістіктеріммен тоқтап қалмақ емеспін. Әлемдік бәсекелерден жүлдемен оралу үшін барымды саламын.

Өміріме шахматтың тигізіп жатқан әсері көп. Алдағы бір-екі қадамыңды бұрынырақ ойланып басасың. Өз ойымда арнайы жоспар құрып жүремін, бірінші мынаны істейін, келесі мынаны деген секілді. Мұның өмірімде пайдасы зор. Тәртіпке бағынып, өмірде күрескер боласың. Себебі, шахмат – спорт және пайдалысы.

Менің кітабымнан кейін шахматпен айналысатын балалар көбейді. Елімізде шахматқа жаңа тыныс сыйлағаныма қуаныштымын.

Азаматтығын ұсынатын мемлекеттер болған, әлі де бар. Бірақ, мен Қазақстанда туылдым. Өз елімді ешқашан тастап кетпеймін.

Өзімді қай шахмат фигурасына теңерімді білмеймін. Ферзь – мықты фигура. Барлық жақа қарай жүретін мүмкіндікке ие, ат та өзінің жүрісімен ерекшеленеді. Дегенмен, қазір өзімді 7-ші горизантальда тұрған пешкаға теңер едім. Ханшайымға айналуым әлі алда деп есептеймін.

Кумирім жоқ, Гарри Каспаров, Магнус Карлсонды үлгі тұтамын, олардың ойын тәсілдері көбірек ұнайды.

Әр жыл шахматшы үшін өте маңызды. Адам өседі, есейеді, өмірге деген көзқарасы өзгереді. Мен үшін өткен жылдар көп нәрсені үйретті, тәжірибем толысты, мінезім қалыптасты.

Мен өзімді тек шахматпен шектемеймін. Түрлі бағытта өзімді дамытқым келеді. Тілдерді оқимын, өзімді-өзім кемелдендіруге тырысам. Араб тілін үйреніп жүрмін, кәріс және француз тілдерін де меңгергім келеді.

Маған əртүрлі ғылымдар ұнайды. Болашақта шахматтан бөлек, ізгі ниет елшісі болғым келеді. Ал əзірге шахматпен айналысып, Қазақстан атын халықаралық аренада таныта бермекпін.

Қысқа да нұсқа. Жазылыңыз telegram - ға

Оқи отырыңыз

Кеше, 17:41

ӘЧ-2026: қай құрама финалға жолдама алады?

7 Шілде, 12:44

Шикі сүт ішеді, етті жақсы көреді: Норвегия қаһарманына айналған Эрлинг Холанн кім?

7 Шілде, 10:00

Миллион жазылушы – дайын вице-президент? Қазақстан спортындағы жаңа тренд

2 Шілде, 09:05

Қазақстанда кино суретшісінің еңбегі әлі де толық бағаланбайды – Бекен Нарбай

{