Динара Зәкиева Ақтөбедегі оқушы өліміне қатысты пікір білдірді

Бала құқықтары жөніндегі уәкіл Динара Зәкиева Ақтөбе облысында жасөспірім арасындағы жанжал кезінде қайтыс болған оқушы өліміне қатысты пікір білдірді. Бұл туралы балалар омбудсмені желі парақшасында жазды, деп хабарлайды El.kz ақпарат агенттігі. 

Баланың әкесімен тергеудің толықтығын қамтамасыз ету және уәкілетті органдар қабылдаған қажетті шаралар туралы сөйлестім. Облыстық прокуратура, білім басқармасы және жергілікті бала құқықтары жөніндегі өкілмен бірлесе жұмыс істейміз. Прокуратура да болған оқиғаны, қылмыстың орын алуына ықпал етуі мүмкін фактілер бойынша мектептегі жағдайды тексеріп жатыр. Қайтыс болған баланың отбасына, туған-туыстарына көңіл айтамын,-деп жазды Динара Зәкиева.

Бұдан өзге балалар омбудсмені Қопа ауылындағы оқушы өліміне күдікті ретінде үшінші жасөспірім ұсталғанын атап өтті.