Димаш Құдайберген марапатын Бибігүл Төлегеноваға арнады

Әлемге танымал әнші, Халық әртісі Димаш Құдайберген Дубайда алған марапатын биыл 95 жасқа толып отырған бұлбұл әнші Бибігүл Төлегенованың құрметіне арнады, деп хабарлайды El.kz ақпарат агенттігі.

Құрметті Бибігүл Ахметқызы! Күні кеше алған кезекті марапатымды алдағы келе жатқан 95 жылдық мерейтойыңыздың қарсаңында, сіздің құрметіңізге арнауға рұқсат етіңіз. Жастайымнан сіздің жоғары дәрежедегі өнеріңізге сусындап өсіп, сіздің аналық, ұстаздық өсиеттеріңіз бен батаңыздың арқасында қазіргі күні азды-көпті жетістіктерге қол жеткізіп келемін. Құрметті #dears, құрметті жерлестер! Шын жүректен барлық құттықтауларыңызға көп рахмет айтқым келеді. Еліміз аман, жұртымыз тыныш болсын! – деді әнші.

Еске салсақ, Димаш Құдайберген күні кеше беделді DIAFA жүлдесінің иегері атанған болатын.