Димаш Құдайберген Бибігүл Төлегенованы мерейтойымен құттықтады

Қазақстанның халық әртісі Димаш Құдайберген өнер иесі Бибігүл Төлегенованы туған күнімен құттықтады, деп хабарлайды El.kz ақпарат агенттігі.

Димаш Бибігүл Төлегенова қазақтың музыка мәдениетіне үлкен үлес қосып жатқан аңыз адам екенін атап өтті.

Құрметті достар! Бүгін біз Қазақстанның рухани әлемінің символы болып табылатын қазақ мәдениетінің нағыз аңыз адамы, әйгілі Бибігүл Төлегенованың 95 жылдық мерейтойын атап өтудеміз.

Бибігүл Ахметқызы – КСРО-ның халық әртісі, Қазақ КСР-ның халық әртісі, Социалистік Еңбек Ері. Ол бар өмірін өнерге арнап, 20-ғасырдағы ірі опера әншілерінің біріне айналды. Оның бұлбұл үні Қазақстанның ғана емес, шетел көрермендерінің де жүрегін жаулап алды. Бибігүл Ахметқызы ұзақ жылдар бойына жаңа буын музыканттарына білім беріп, қазақтың музыка мәдениетіне үлкен үлесін қосып, жас ұрпақты шабыттандыруын жалғастыруда. Мен осы ұлы мәдениеттің бір өкілі болғаныма мақтанамын. Бибігүл Ахметқызы сияқты шеберлер салған мәдени жолды жалғастыру мүмкіндігіне ие болғаныма ризамын. Әндеріңіз мәңгілік шырқалсын! Туған күніңізбен!, – деп жазды Димаш Құдайберген.