Деструктивті діни ағымның жақтаушысы есірткімен ұсталды

Жетісу облысында деструктивті діни ағымның жақтаушысы есірткімен ұсталды, деп хабарлайды Polisia.kz-ке сілтеме жасап El.kz ақпарат агенттігі.

Жетісу полицейлері Ұлттық қауіпсіздік комитетінің облыстық департамент қызметкерлерімен бірлесіп, прокуратураның үйлестіруімен Талдықорғанның 33 жастағы тұрғынын ұстады.

Ұсталған адамға тиесілі автокөліктің жүксалғышында өсімдік тектес зат салынған пакет табылған.

Ер адамның деструктивті діни ағымның жақтаушысы екені белгілі. Қазір есірткіні заңсыз сақтау және өткізу фактісі бойынша қылмыстық іс қозғалды, - деді облыстық ПД экстремизмге қарсы іс-қимыл басқармасы.

Жүргізілген сараптама тәркіленген заттың салмағы 2 кг 722 грамм марихуана екенін көрсетті.

Оқи отырыңыз: 

• Терроризмді насихаттаған азамат ұсталды
• "Терракт жасаңдар". ҰҚК қарағандылық азаматты ұстады