Дауыл, бұршақ, найзағай: Қазақстанның барлық өңіріне ескерту жасалды

«Қазгидромет» 20 қыркүйекке Қазақстанның бүкіл аумағы бойынша дауылды ескерту жариялады. Бірқатар өңірде найзағай, жаңбыр, тұман мен екпінді жел болжанса, елдің басым бөлігінде өрт қаупі жоғары және төтенше деңгейде сақталады.

Астана: жоғары өрт қаупі сақталады.

Алматы: кешке қысқа мерзімді жаңбыр жауып, найзағай ойнайды. Күндіз жел екпіні 15 м/с-қа жетеді. Жоғары өрт қаупі сақталады. Іле Алатауы тауларында, сондай-ақ Медеу және Бостандық аудандарының таулы бөліктерінде күндіз қысқа мерзімді жаңбыр мен найзағай болжанып, жел 15-20 м/с жылдамдықпен соғады.

Шымкент: төтенше өрт қаупі сақталады.

Абай облысы: жоғары, кей жерлерде төтенше өрт қаупі сақталады. Семейде де өрт қаупі жоғары.

Ақмола облысы: түнде және таңертең кей жерлерде тұман түседі. Жоғары өрт қаупі сақталады. Көкшетауда түнде және таңертең тұман күтіледі.

Ақтөбе облысы: төтенше өрт қаупі сақталады.

Алматы облысы: күндіз, оның ішінде таулы аудандарда қысқа мерзімді жаңбыр жауып, найзағай ойнайды. Жел екпіні 15–20 м/с-қа жетеді. Облыста төтенше, кей жерлерде жоғары өрт қаупі сақталады. Қонаевта кешке жаңбыр мен найзағай күтіледі.

Атырау облысы: облыс аумағында және Атырау қаласында төтенше өрт қаупі сақталады.

Шығыс Қазақстан облысы: түнде және таңертең кей жерлерде тұман түседі. Жоғары, кей жерлерде төтенше өрт қаупі сақталады.

Жамбыл облысы: таңертең және күндіз, оның ішінде таулы аудандарда жаңбыр, найзағай, бұршақ және дауыл күтіледі. Жел екпіні 15-20 м/с, кей уақытта 23–28 м/с-қа дейін жетуі мүмкін. Төтенше өрт қаупі сақталады. Таразда жел екпіні 15-20 м/с болады.

Жетісу облысы: күндіз жаңбыр жауып, найзағай ойнайды. Алакөл маңында жел екпіні 15-20 м/с-қа жетеді.

Батыс Қазақстан облысы: түнде және таңертең кей жерлерде тұман түседі. Оралда да тұман күтіледі.

Қарағанды облысы: таңертең және күндіз кей жерлерде аздаған жаңбыр жауып, найзағай ойнайды. Жоғары, кей жерлерде төтенше өрт қаупі сақталады. Қарағандыда төтенше өрт қаупі бар.

Қостанай облысы: түнде және таңертең кей жерлерде тұман түседі. Қостанайда да тұман болжанады.

Қызылорда облысы: күндіз кей жерлерде жел екпіні 15-20 м/с-қа жетеді. Облыста және Қызылорда қаласында төтенше өрт қаупі сақталады.

Маңғыстау облысы: түнде кей жерлерде аздаған жаңбыр жауып, найзағай ойнайды. Жоғары, кей жерлерде төтенше өрт қаупі сақталады.

Павлодар облысы: түнде және таңертең кей жерлерде тұман түседі. Жоғары өрт қаупі сақталады. Павлодарда да тұман күтіледі.

Солтүстік Қазақстан облысы: түнде және таңертең тұман түседі. Кей жерлерде жоғары өрт қаупі сақталады. Петропавлда да тұман болжанады.

Түркістан облысы: таулы аудандарды қоса алғанда, қысқа мерзімді жаңбыр жауып, найзағай ойнайды. Жел екпіні 15-20 м/с-қа жетеді. Төтенше өрт қаупі сақталады. Түркістан қаласында да төтенше өрт қаупі бар.

Ұлытау облысы: түнде және таңертең жаңбыр жауып, найзағай ойнайды. Күндіз кей жерлерде жел екпіні 15 м/с-қа дейін жетеді. Төтенше өрт қаупі сақталады. Жезқазғанда таңертең және күндіз аздаған жаңбыр мен найзағай күтіледі.

Мамандар тұрғындарға ауа райы күрт өзгерген кезде сақтық шараларын сақтауға, қатты жел мен найзағай кезінде қауіпсіз жерлерде болуға және өрт қауіпсіздігі талаптарын қатаң ұстануға кеңес береді.