«Дастан Сәтпаев емес»: Қазақстанның ең қымбат футболшысы кім?

Transfermarkt порталы Ресей премьер-лигасы (РПЛ) футболшыларының нарықтағы жаңартылған құнын жариялады. Жаңа рейтинг бойынша, Қазақстан құрамасының ең қымбат ойыншысы – «Ахмат» клубының вингері Максим Самородов.

24 жастағы қазақстандық жартылай қорғаушының нарықтық құны 1 миллион еуроға (шамамен 507 миллион теңге) өсті. Қазір оның бағасы 4 миллион еуроны (2 миллиард теңгеден астам) құрап отыр. Бұған дейін Қазақстан құрамасындағы ең қымбат футболшы Дастан Сатпаев болатын. Оның нарықтағы құны 3,5 миллион еуроға бағаланған.

Ресей премьер-лигасындағы Самородовтан кейінгі орында  «Зенит» клубының қорғаушысы Нұралы Әліп тұр. Оның нарықтағы құны – 2 миллион еуро.

Қазақстанның ең қымбат 10 футболшысы:

1. Максим Самородов («Ахмат») – 4 миллион еуро;
2. Дастан Сәтпаев («Бёрнли») – 3,5 миллион еуро;
3. Нұралы Әліп («Зенит») – 2 миллион еуро;
4. Бақтиёр Зайнутдинов («Динамо») – 2 миллион еуро;
5. Ислам Чесноков («Крылья Советов») – 1,2 миллион еуро;
6. Әлібек Қасым («Астана») – 850 мың еуро;
7. Темірлан Анарбеков («Қайрат») – 800 мың еуро;
8. Стас Покатилов («Сабах») – 600 мың еуро;
9. Рамазан Оразов («Елімай») – 600 мың еуро;
10. Ян Вороговский («Астана») – 600 мың еуро.