Дариға Бадықова қанша ренжігенімен «Моана 2» касса жинау жағынан басып озды

Ticketоn сайты соңғы аптада ең көп касса жинаған фильмдердің тізімін жариялады. Алғашқы орында «Моана 2» анимациялық фильмі тұрса, екінші орынға «Таптым-ау сені 2» фильмі жайғасты, деп хабарлайды El.kz ақпарат агенттігі.

1. «Моана 2»

Ең көп қаралым жинаған фильмдердің көшін «Моана 2» бастап тұр. Оның осы аптадағы кассалық табысы 718 104 231 теңге болды.

2. «Таптым-ау сені 2»

Дариға Бадықованың фильмі  579 277 378 теңгелік кассалық табысымен екінші орынға шықты.  

3. «Гладиатор 2»

Бұл аптада «Гладиатор 2» 98 424 695 теңге табысымен үшінші орынға жайғасты.

4. «Злая: Сказка о ведьме Запада»

Аталған фильм 41 237 170 теңге табыс тапты. Басты рөлдердің бірін халықтың сүйіктісіне айналып үлгерген әнші Ариана Гранде сомдады.

5. «Миссия: Красный»

Тізімдегі бесінші орында 21 773 960 теңгелік кассалық табысымен «Миссия: Красный» фильмі тұр.

6. «ЗаманBack»

Жоғарыда аталған отандық фильм осы аптада 15 142 140 теңге жинады.

7. «Веном: Последний танец»

Бұл фильм 14 064 180 теңгемен жетінші орын алды.

8. «Нурикамал»

Халықтың біраз талқысына түскен «Нурикамал» фильмі осы аптада 13 221 624 теңге кассалық табыс тапты.

9. «Кеттік бәрін таста»

Тоғызыншы орынға 12 956 450 теңгемен «Кеттік бәрін таста» фильмі жайғасып, апта тізімін қорытындылады.

Айта кетейік, бұған дейін актриса, продюсер Дариға Бадықова «Моана 2» фильміне барған қазақтарға ренжіген еді.