Басты
Жаңалықтар
Спорт

Даниил Медведев спорттық жолында 40-финалына шықты

19.10.2025 06:34
Зарина Арман
Фото: ҚР теннис федерациясы
2021 жылғы АҚШ чемпионы, әлемнің 14-ракеткасы Даниил Медведев Almaty Open ATP 250 турнирінің финалына шықты, деп хабарлайды El.kz интернет порталы.

Ол жартылай финалда әлемдік рейтингіде 138-орында тұрған аустралиялық Джеймс Даквортты ұтты - 6:7 (8:10), 6:3, 6:2.
Бүгін менің де, қарсыласымның ойын деңгейі өте жоғары деңгейде болды. Тай-брейкте жақсырақ ойнай алар едім, бірақ солай болады. Бәсеке барысында екі тараптан да тартысты сәттер көп болды, сондықтан матчта жеңіске жеткеніме қуаныштымын, - деді Медведев кортта берген сұхбатында.
Осылайша, ресейлік  теннисші Алматыда спорттық жолында ATP турнирлеріндегі 40-финалына өтті. Бұл жөнінен ол қазіргі кезде өнер көрсетіп жүрген теннисшілер арасынан сербиялық Новак Джоковичтен (143) кейін екінші орын алады.
теннис Алматы
Қысқа да нұсқа. Жазылыңыз telegram - ға

Оқи отырыңыз