Илья Ильин бапкер болды

Ауыр атлетикадан алдағы Әлем чемпионатына екі дүркін олимпиада чемпионы Илья Ильин менеджер әрі бапкер ретінде барады. Бұл туралы спортшы қатысқан Дене тәрбиесі мен жаппай спортты дамыту мәселелері жөніндегі Республикалық қоғамдық кеңестің отырысынан BNews.kz тілшісі хабарлады.

«22 қазан күні мен командаммен бірге әлем чемпионатына Польшаға менеджер және бапкер ретінде барамын. Жеңістен үмітім бар. Биылғы жылы мен жаңа қырымнан көрінемін»,-деді И.Ильин. 

Естеріңізге сала кетсек, 19-27 қазан күндері Вроцлавта (Польша) ауыр атлетикадан әлем чемпионаты өтеді.