«Жаужүрек мың бала» Америкада көрсетіледі

Режиссер Ақан Сатаевтың «Жаужүрек мың бала» фильмі Солтүстік Американың VOD («Video on Demand») сандық таралым платформасына шықты, деп хабарлайды “Қазақфильм” киностудиясының баспасөз қызметі.

- Бұл “Қазақфильмнің” Amazon, Google Play / YouTube, iTunes, PlayStation, Rovi, VUDU, Charter, Verizon, AT&T сынды тағы басқа провайдерлердің тарататын Солтүстік Америкадағы ең ауқымды көрсетілімі, - дейді “Қазақфильм” киностудиясының дамыту жөніндегі директоры Ильяс Ахметов.
Алдағы уақытта АҚШ-тан өзге “Жаужүрек Мың Бала” Франция, Ұлыбритания, Жапония, Корея, Аустралия сынды елдерде көрсетілетіндігі белгілі болып отыр. Сонымен қатар фильм Бразилия, Мексика, Бенилюкс елдерінде, Түркия, Ресей және т.б елдерде көрсетіледі деп жоспарланып отыр.
VOD технологиясы - бұл жоғарғы сапалы фильмдерді тарататын сандық интерактивті кинотеатр.

Baq.kz