ШҚО-да ауыл жастарының алғашқы халықаралық конгресі өтеді

Шығыс Қазақстан облысында ҚР ауыл шаруашылығы және қаржы министрлерінің, шетелдік елшілердің, халықаралық ұйым өкілдерінің, Қазақстанның түрлі облыс делегацияларының қатысуымен ауыл жастарының I халықаралық конгресі өтеді, деп хабарлады BNews.kz тілшісі.

«Бүгінгі таңда Қазақстан жастары халықтың әлеуметтік тобын құрайды. Ол қазақстандық қоғамның болашағын анықтайтын негізгі факторлардың бірі болып табылады. Статистикалық мәліметтер бойынша, Шығыс Қазақстан облысындағы жастардың саны 359 012 (50,8%) құрайды. Оның 138 931 (38,7%) ауылда тұрады», - деді ШҚО Жастар саясаты басқармасынан.

Алғаш рет өткізілетін конгресте ауыл жастарының проблемалары, жұмыспен қамту мәселелері қаралады.