Астаналық каратэшілер Әлем чемпионатында жеңіске жетті

Астаналық М.Өтемісұлы атындағы Оқушылар сарайының каратэ-до шотокан командасы жақында Польшада өткен Әлем чемпионатында 6 алтын, 1 күміс және 7 қола жүлде иеленді, деп хабарлайды astana.kz.

Оқушылар сарайы командасының сапында өнер көрсеткен астаналық оқушылар келесідей жетіктіктерге қол жеткізді. Төлеу Тойсұғанов (13 жас) жеке және командалық катадан 3 алтын, кумитэден қола медаль алды. Біржан Қабдоллаев (14 жас), жеке және командалық катадан, кумитэден 3 алтын иеленді. Руслан Жақыпбеков (15 жас) жеке және командалық катадан, кумитэден 3 бас жүлде олжалады. 

Әлемдік додаға 30 мемлекеттен 6 жастан жоғары мыңнан астам спортшы қатысты. М.Өтемісұлы атындағы Оқушылар сарайының каратэ-до үйірмесінің және каратэ-до командасының жетекшісі Мейрамгүл Дукуеваның айтуынша, жарысты ұйымдастырушылар қазақстандық спортшылардың дайындығына және елімізде аталған спорт түрінің даму перспективасына жоғары баға берді.

Аталмыш жарыста Қазақстанның көк байрағы 13 рет көтерілді. Айта кетейік, оқушылар сарайының шәкірттерінен басқа, Астана қаласының №4 мектеп-гимназиясының оқушылары, Қарағанды құрама командасы да Әлем чемпионы атанды.