Т.Қалмағамбетов атындағы Жезқазған филармониясы

Елбасымыздың Жолдауын орындау барысында филармония ұжымы Ұлытау ауданының шалғай жатқан елді мекендерінің тұрғындармен бірге кездесулер өткізіп, пікір алмастырды және Тәуелсіздіктің 20 жылдығына орай «Жез әуен» тобының «Ауылдың гүлденуі-Қазақстанның гүлденуі» атты концерттік бағдарламасын ұсынып, алғыстарына ие болып қайттық.  

Наурыз айы бір ерекше ай Наурыздың басында Жезқазған қаласы ерекше күйге енеді. Бұл-Жезқазғанда Елбасымыздың Жолдауындағы «Мәдени мұра» бағдарламасын іске асыру мақсатында қазақ өнерін насихаттау барысында «Ұлытау үні» аймақтық фестивалі өтетін кезең.   Осы орайда филармонияның ұйымдастыруымен «Жұлдыз-2011»  жас орындаушылар-дың эстрадалық аймақтық сайыс өтті.  

Жуырда қазақстан халқы Ассамблеясының кезекті сессиясында сөз сөйлеген Президентіміз Н.Ә.Назарбаев биылғы 1 Мамыр мерекесін жаңаша атап өтетінімізге ерекше тоқталды. Елбасымыз атап көрсеткендей, Тәуелсіздіктің 20 жылдығы қарсаңындағы әрбір мереке жаңаша сипатта, әрі патриоттық рухты көтере түсетіндей ерекше аталып өтуі тиіс. Ал, бұлар осы 1 мамыр-Бірлік күнінен бастау алуы қажет. Татулықты, ынтымақты, бірлікті ту қылып көтерген Қазақстан халқының Бірлігі ретінде Жезқазғандағы «Дуслық» та-тар-башқұрт» мәдени-ұлттық орталығында мүше ретінде Н.Нығматуллина қалада өтетін түрлі мәдени іс шараларға қатысып, тығыз байланыста жұмыс істейді.

  Тағы біздің бір қуанышты жағдайымыз филармонияның әншісі Ғ.Мұха-мединнің әндер жинағы дискісінің жарық көрді. Бұл дискі   Болман ақынның«Өсиеті», Тайжанның «Сақсағы», Мәдидің «Қош елім», Қасым Аманжолов-тың «Өзім туралы әнінің бір түрі», Сәкен Сейфуллин «Бабаларыма шағым»   және көптеген халық әндерінен айтылмай қалған көне әндер«Жалғыз жу-сан»сияқты әндер Ғалым ағаның орындауында тұрады. Бұл дискінің жарық көруі Президентіміздің «Мәдени мұра» бағдарламасын сақтау барысында елге тарату және таныту болып табылады.

Филармонияның директоры Сексенбаев Рахмет Кәкімбекұлы. Байланыс телефоны 73-34-40. Мекен жайы Жезқазған қаласы, Алаш алаңы 3, Жұмыс уақыты 09.00-18.00 сағ

 Кәсіпорын Қазақстан Республикасының Конституциясына, Қазақстан Республикасының «Мәдениет туралы» заңдарына, Қазақстан Республикасы Президенті мен Үкіметтік нормативтік құқықтық актілеріне Өкілетті органның және оның өкілетті құрылымдылық бөлімшелерінің бұйрықтары, әкімдері, сондай-ақ осы Жарғыға сәйкес әрекет етеді.

 Мекеменің мақсаты:

-қазақ халқының музыкалык-поэтикалық шығармашылық жетістіктерін, қазіргі заман композиторларының шығармалары мен әлемдік мәдениетінің үздік үлгілерін сондай-ақ, Қазақстан Республикасының өскелең ұрпақтарын эстетикалық дұрыс көзқараста тәрбиеленуін мақсатты бағытта насихаттау.

-Қазақстан Республикасының және облыстық ұлттық мәдениет байытып әрі дамуына әсер ету.

-Қазақстан Республикасының аймақ және облыстары, қалаларының барлық тұрғындары үшін концерттік көрініс шараларын бірдей көре алуын қамтамасыз ету.

Мекеменің өзіндік қызметі:

- Концерт залдарында, клубтарда, сарайларда, мәдениет үйлерінде, стадиондарда, балабақшаларда, демалыс бақтарында (симфониялық, камералық, эстрадалық, цирктік, жеке орындаушылық, тақырыптық конкурстар, балалар музыкалық күндерін, әдеби музыкалық және басқада) концерттер ұйымдастыру;

-  Жезқазған қаласының мәдениет кәсіпорындарымен мекемелерімен бірлесе отырып қалада өтетін мәдени іс шараларға қатысу.

- Жаңа репертуарлар жасау үшін композиторларды, драматургтерді, режиссерларды, көрініс қоюшыларды, дирижерлерді және басқа да өнер мен әдебиет иелерін тарту.

-  Көркемөнерпаздар үйірмесі мүшелерін, жастарды, талантты орындаушыларды өз қызметіне пайдалана білу.

-  Халықты өнер жетістіктерімен таныстыру.

- Жарнамалық, сувенирлік өнімдері шығару және тарату.

-  Жарғы мақсатымен Қазақстан Республикасының тиым салынбаған заңдылығына сәйкес, кәсіпкерлермен қоса, басқада қызмет түрлерінің шығармашылық үшін қажетті жағдайда деңгейін жақсарту, еңбекке деген экономикалық ынтасын арттыру.