«Музарттың» мұзбалақтары тележүргізуші атанды

"МузАрт" вокалды-аспапты ансамблінің әншілері Сәкен Майғазиев, Кенжебек Жанәбілов және осы топтың экс-мүшесі Мақсат Базарбаев «Астана» телеарнасында жаңа бағдарламаның жүргізулері атанды.

Бұл бағдарлама «Астана кеші көңілді» деп аталады. Жаңа жобаның жұлдызды жүргізушілері телеарна көрермендеріне көңілді ойын-сауықтық кешін тарту етпек. Бағдарламаны жезтаңдай әншілермен қатар, «Өнер қырандары» шығармашылық бірлестігінің жігіттері де жүргізетін болады.
«Астана кеші көңілді» бағдарламасы Сәкен Майғазиевтің ұсынысымен жарыққа шығып отыр. Өздеріңіз байқағандарыңыздай, кешті «Музарт» тобының бұрынғы әншісі Мақсат Базарбаев та жүргізеді. Бұл өнерпаз топтан кеткен соң ел ішінде түрлі қаңқу сөздердің жүргені белгілі. Бір жағын осы жоба арқылы әншілердің өзара достығын халыққа паш етеміз. Алайда негізгі мақсатымыз – халыққа көтеріңкі көңіл-күй сыйлау»,-деді «Астана» телеарнасының арнайы жобалар бөлімінің жетекшісі Ильхам Ибрагим.
Естеріңізге сала кетейік, «Астана кеші көңілді» бағдарламасының тұсаукесерін бесінші қазан күні сағат 18:20-да «Астана телеарнасынан тамашалай аласыздар.

Baq.kz