«Rin’Go» тобына хит ән қажет

Қазақстандық «Rin’Go» тобы жаңа клип түсіріп, сингл шығаруды жоспарлап отыр, деп хабарлайды BNews.kz тілшісі.

«Қазір біз хит ән іздестірудеміз. Әрине, біз жаңа әндер жазудамыз, бірақ әлі клип түсіруге жарайтын әнді тапқан жоқпыз. Біз тыңдармандар мен көрермендерге ұнайтын жаңа ән қашан шығады деп күтудеміз. Өзімізде жақсы әндер жеткілікті, дегенмен олардың кейбіреуі ғана хит», - деді «Rin’Go» тобының мүшесі Аян Бірбаев.

Оның айтуынша, хит әнді іздеуге топтың қолы тимейді. Себебі, топ жиі гастрольде жүреді және еліміздің басқа қалаларында жұмыс істеп, студияда сирек болады.