Басты
Жаңалықтар
Архив
Филиппин сұлуы «Әлем аруы - 2013» атанды

Филиппин сұлуы «Әлем аруы - 2013» атанды

«Әлем аруы - 2013» байқауының Балиде өткен финалында Филиппин аралдарының 23 жастағы сұлуы Меган Янг жеңімпаз атанды, деп хабарлайды ҚазАқпарат тілшісі Росбалтке сілтеме жасап. 
Финалға сонымен қатар Франция, Гана, Бразилия және Испания арулары шықты. Гибралтар аруы көрермендердің көзайымы жүлдесіне ие болды.

Ғаламшардың ең сұлу қыздарының ондығына сондай-ақ Ямайка, Индонезия, Англия, Непал және Австралия өкілдері кірді. Байқауға Ресейден қатысқан 18 жастағы Междуреченск тұрғыны татар қызы Эльмира Әбдіразақова финалға жете алмай қалды. Шараға барлығы 137 қыз қатысты. Дәстүр бойынша филиппиндік жеңімпазға тәжді өткен жылғы байқаудың жеңімпазы қытайлық Юй Вэнься тапсырды.

Бұдан бұрын конкурс ұйымдастырушылары бағдарламадан Индонезияның мәдени діәстүрлеріне қайшы келетін ашық-шашық киімдерді алып тастады. Халқының басым бөлігі ислам дінін ұстанатын елдің ислам кеңесі мемлекет аумағында жат құндылықтарды насихаттайтын мұндай байқауларды өткізуге мүлдем жол бермеу қажеттігін талап еткен болатын. 

BAQ.KZ

Қысқа да нұсқа. Жазылыңыз telegram - ға

Оқи отырыңыз

{