«Қазақстан Дауысы» көрерменге жол тартады

 Жобаның басты мақсаты – ел ішінен дарынды жастарды табу және оларға қолдау көрсету. Байқаудың талабын толық орындаған үміткерлерді қазақ эстрадасының жұлдыздары өз қоластыларына алып, тәлім береді.  Мұның нәтижесінде жоба қатысушылары сахна саңлақтарымен бірге ән шырқап, шеберліктерін шыңдайды.

Еліміздің белгілі әншілері Медеу Арынбаев, Мәдина Сәдуақасова, Нұрлан Албан, және Алмас Кішкенбаев  Қазақстан дарындыларының тәлімгерлері болмақшы.

Бұл жоба алғаш рет 2010 жылы голландияның RTL4 телеарнасында «The Voice of Holland» деген атпен жарыққа шығып, дүниежүзі көрермендерін баурап алды. Енді «Talpa Producties B.V.» (Talpa) лицензиясы бойынша «Қазақстан Дауысы» деген атпен қазақ көрермендеріне жол тартады. Жобада кәсіби және түрлі жанрларда ән салатын таланттар өнер көрсетеді.