Кумыковтың ұлттық құрамаға ауысуына қарсы емеспін

«Мұндай бапкерлер Қазақстан құрамасына бұрыннан қажет еді. Ол өте тәжірибелі маман, бірге жұмыс жасап жатқанымызға 3 жыл болды. Виктор Балютович талап қоя білетін әрі соның үдесінен шыға білетін адам. Құраманы алға жетелейтініне өз басым нық сенімдімін. Егер ол Қазақстан құрамасына қажет болса, онда бұл маманды жіберуге қарсы емеспін. Ұлттық құрамамыздың деңгейінің көтерілгені бәріміздің ортақ мүддеміз», - дейді Халилин.
Естеріңізде болса, Чемпиондар лигасының соңғы іріктеу матчында қарағандылық «Шахтер» шотландиялық «Селтикті» ойсырата жеңгеннен кейін Виктор Кумыковты ұлттық құраманың бас бапкерлігіне тағайындау туралы ұсыныс жасалған болатын. Өз жерімізде туып өскен бапкер ұлттық құрамаға тағайындала ма, жоқ па әзірге белгісіз.