Кaztube-тің жеңімпаздары анықталды

Үстіміздегі жылдың 18 шілде мен 2 қыркүйек аралығында kaztube бейне-порталы Қазақстан Республикасының Конституция күніне орай «Қазақстан тарихы» деген атпен бейне-байқау ұйымдастырған болатын.

Бүгін «Қазақстан тарихы», «Қазақстанның аймақтары», «Қазақстанның белгілі тұлғалары» атты үш номинациядан тұратын байқауға 13 бейне материал келіп түсіп, ашық дауыс беру нәтижесінде анықталған жеңімпаздарды марапаттау салтанаты өтті.
«Қазақстан тарихы» номинациясы бойынша маңғыстаулық Ерболат Тынышпайдың «Қазақстан тарихы», «Қазақстанның аймақтары» номинациясы бойынша астаналық Рауан Маратовтың «Өскемен қаласы» және «Қазақстанның белгілі тұлғалары» атты номинациядан Раушан Қосдаулетованың «Жаңа тарих. Александр Винокуров» атты бейнебаяндары жеңіске жетті.

Айнұр Ракишева