Қазақстанда насыбайға тыйым салынады

ҚР Денсаулық сақтау министрлігі ҚР «Халық денсаулығы және денсаулық сақтау жүйесі туралы» Кодексіне «насыбай» ұғымын енгізуді жоспарлап отыр. Бұл жөнінде ҚР «Халық денсаулығы және денсаулық сақтау жүйесі туралы» Кодекске өзгеріс енгізуді қарастырған Мәжілістің әлеуметтік-мәдени даму комитетінің отырысында ҚР Денсаулық сақтау министрлігінің жауапты хатшысы Серікбол Мусинов айтып өтті, деп хабарлайды BNews.kz тілшісі.

«Денсаулық сақтау министрлігі насыбайдың таралуына қарсы шаралар қолданбақ. Өкінішке қарай, бүгінде насыбай кең таралуда. Әсіресе, жасөспірімдер арасында. Насыбай ату ауыз қуысы мен ас қорыту жолының онкологиялық ауруына алып келуі мүмкін деген халықаралық мәлімет бар. Бізге Қазақстанда насыбайдың сатылуы мен таралуына тыйым салатын механизмдерді заңды түрде әзірлеу қажет», – деді С.Мусинов.