«Қазір қолға алынып жатқан шаралар – мұның барлығы «Мәдени мұра» бағдарламасының жалғасы ғой. Сол мәдени мұра бағдарламасында шыққан материалдарды біз жастардың бойына сіңіріп, оларды соның негізінде жұмыс істеуге талпындыру қажет. Қазір ол деректер сөрелерде жатпауы тиіс, қалып қоймауы керек. Оларды пайдаланып, сараптау өте маңызды. Ол біздің міндетіміз, жастарды тарихи құжаттарды сараптауға үйреткен жөн», -деді ол.
Сонымен қатар, Қ. Өскембаев шетелдерде бүгінгі күнге дейін бізге құпия болып келген өте тың деректер көптеп кездесетінін айтты.
«Бізде бакалавриатта, одан кейін магистратурада оқитындар бар. Докторантурада білім алып жүргендер де баршылық. Осы жастар жоғарыда аталған тақырыптардың төңірегінде, қазіргі жаңа деректерді сараптау, соларды пайдалануға беру бағытынды жұмыс жасап жатыр», - деп толықтырды ол.