Нобель сыйлығын кім алады?

Букмекерлер 2013 жылғы Нобель сыйлығының Әдебиет жанрына лайықты деп жапон жазушысы Харуки Муракамиді таңдап отыр. Британдық букмекерлік сайттардың бірі Муракамидің жетістігі 3/1-ге тең деп есептеп шығарған.

Сондай-ақ фавориттердің қатарында америкалық Джойс Кэрол Оутс, венгр Петер Надаш, корей Ко Ун және канадалық Элис Мунро бар.
Мураками букмекерлердің таңдауына бірінші рет ілігіп отырған жоқ. 2012 жылы да жапон жазушысына ұтыс тіккендер көп болған, бірақ сыйлық қытайлық Мо Янға бұйырған болатын.
64 жастағы Харуки Мураками – аты әлемге танымал қазіргі заманғы жапон жазушыларының бірі. Оның «Қойларға шабуыл», «Дэнс, дэнс, дэнс», «Норвегтік орман» т.б. шығармалары белгілі. Мураками Франц Кафка, Иерусалим т.б. әдебиет жанрындағы ірі сыйлықтардың иегері.

Baq.kz