10 қыркүйекте «Қазконтент» АҚ «Стратегия-2050» жаңа веб-порталының тұсаукесерін өткізеді. Бұл жөнінде бүгін дәстүрлі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті, деп хабарлайды BNews.kz тілшісі.

«10 қыркүйекте Орталық коммуникациялар қызметінің алаңында «Қазконтент» АҚ-мен бірге жаңа қазіргі заманғы ақпараттық және интерактивтік «Стратегия-2050» веб-порталының тұсаукесерін өткізу жоспарланып отыр. Жаңа портал «Қазақстан-2050» стратегиясының жүзеге асырылу барысы туралы жедел ақпараттар, эксклюзивті талдаулардың қайнар көзі болмақ», - деді брифингте Алтай Әбибуллаев.

 

Айымгүл ӘБІЛЕВА