5-6 қыркүйекте Бурабайда «Central Asia CIO Summit» атты алғашқы Орталық Азиялық Саммиті өтеді. Бұл туралы бүгiн Санкт – Петербордағы G-20 Саммиті алаңшасында өткен Қазақстан Президенті жанындағы ОКҚ-ның көшпелі брифингісі барысында ОКҚ-ның ресми өкiлi Алтай Әбибуллаев жариялады, деп хабарлайды брифингіге қатысып отырған BNews.kz тілшісі.

«Бурабайда нарықтың заманауи трендтерін, келешегін, жаңа тенденциялары мен инновацияларын талқылау үшін 5-6 қыркүйекте «Central Asia CIO Summit» алғашқы Орталық Азиялық Саммиті өтеді. Саммит 2013 жылғы маңызды IT-оқиға. Ол құрлықтың әр түкпіріндегі мамандардың пікір алмасу әрі байланыс алаңшасы. Форум жұмысына 6 елдің  IT саласының өкілдері қатысады», - дедi Әбибуллаев.