Кака «Милан» жейдесін қайта киді

Бразилиялық футболшы Кака «Реалдан» «Миланға» ресми түрде ауысты, деп хабарлайды Аламан спорт порталы.

«Миланның» ресми сайтындағы дерекке сүйенсек, Кака команда сапында екі жыл ойнайды. Футболшы енді жылына 5 миллион еуро пайда табады. Кака «Реалда» жүргенде жылына 10 миллион еуро жалақы алатын.

Кака 2007 жылғы Алтын доптың иегері. 2009 жылы «Миланнан» «Реалға» ауысқан. Мадридтік командада 120 ойын өткізіп, 29 гол салған.

BNews.kz