Басты
Жаңалықтар
Архив
Астананы қасиеттендіру үшін келгенмін

Астананы қасиеттендіру үшін келгенмін

29.08.2013 11:15

«Атамекен» этно-мемориалдық кешенінде филология ғылымдарының докторы, абайтанушы, алаштанушы, жазушы Тұрсын Жұртбаймен кездесу өтті.

Жазушы кездесу барысында ел тарихына қатысты зерттеулері мен шығармашылығындағы жаңалықтарымен бөлісті. Батыс пен Шығыс ғалымдарының зерттеулері мен ұсынған деректері жайлы танымдық мағұлматтарды әңгімеледі.

Тұрсын Жұртбай, филология ғылымдарының докторы, абайтанушы, алаштанушы, жазушы:
- Осы уақытқа дейін 36 кітап жаздым. Ал, менің ғылыми жетекшілігіммен 78 кітап шықты. «Отырар кітапханасы» сериясымен ұлт тарихына қатысты еңбектерді жариялаудамыз. Әлі де мұрағаттардан алған зерттеулеріміз бар. Бұйырса алдағы уақытта том кітаптар болып шығады. Алматыдан Астанаға ауысқан мақсатымда осы болатын. Зиялы қауыммен бірге көшбасын Астанаға бұрып, елге қызметімді Астанада жалғастырсам деген ой болды. Осылайша Астананы қасиеттендіру үшін келгенмін.

Сондай-ақ жазушы кездесу барысында оқырмандардың сұрақтарына жауап беріп, тарих жайлы әсерлі әңгімелерімен бөлісті. Мұндай кездесулер алдағы уақытта елімізге белгілі қайраткерлермен толыға түсіп, «Атамекен» этно-мемориалдық кешенінің дәстүріне айналмақ.

Нұрсерік ЖОЛБАРЫС

Baq.kz

Қысқа да нұсқа. Жазылыңыз telegram - ға

Оқи отырыңыз