Басты
Жаңалықтар
Архив
«Шахтерге» арналған клип шықты (ВИДЕО)

«Шахтерге» арналған клип шықты (ВИДЕО)

Қарағандылық «Шахтер» клубының жанкүйерлері шотландиялық «Селтикпен» ойын қарсаңында сүйікті клубына арнап өлең шығарды. «Шахтер, Get Lucky!» атты әнді қазақстандық актер Әнуар Нұрпейісов шығарыпты, орындаушысы да өзі. Оның айтуынша, бірінші кездесуде «Шахтер» «Селтикті» 2:0 есебімен жеңгеннен кейін бойын мақтаныш сезімі кернеп, ән өзінен өзі туыпты.

 «Шахтер» ойынның алдында сойған қара қой да Нұрпейісовтің туындысында ұмыт қалмаған.

«Қой сойылып, өте шиеленісті басталған бұл матч шиеленіске толы аяқталды. Батыс мемлекеттері әлі күнге жарыса жазып жатыр айтулы оқиғаны. «Шахтер» - чемпион! Тіпті ит арқасы қиянда орналасқан Ямайканың өзі батыр ұлдарды өсірген Қарағандыны танып жатыр», - деп шырқайды Нұрпейісов.

Тарихи матч өткеннен кейін бір апта бойы ән жазумен болған, ал өлеңнің сөздері қарымта ойынға бір күн қалғанда туған. Естеріңізге саламыз, Глазгодағы кездесу 28 тамызда Астана уақыты бойынша түнгі сағат 00.30-да «Селтик Парк» стадионында өтеді. Ойын КТК арнасының тікелей эфирінен көрсетіледі.

«Нұрпейісов бұл өлеңін Глазгодағы спортшыларымызды қолдау мақсатында шығарған. Ойын алдында бапкерлер командамен кеңес өткізген уақытта осы бейнебаянды футболшыларымызға көрсетсе тамаша болар еді. Артында тақымын қысып, жеңіспен оралуын тілеп қалған елі бар екенін білсін. Мен өткен жолғы матчтан кейін әлі күнге жүрегім жарылардай қуанып жүрмін», - дейді Әнуар Нұрпейісов.

Baq.kz

Қысқа да нұсқа. Жазылыңыз telegram - ға

Оқи отырыңыз

{