Қазақстанда 5 ЖОО-да энергия үнемдеу бойынша мамандықтар ашылды

 Қазақстанда 5 жоғары оқу орнында энергия үнемдеу бойынша мамандықтар ашылды. Бұл жөнінде бүгін Үкімет отырысында ҚР Индустрия және жаңа технологиялар вице-министрі Нұрлан Сауранбаев мәлім етті, деп хабарлайды BNews.kz тілшісі.

«Кадрларды әзірлеу үшін энергия үнемдеу бойынша мамандықтар 5 жоғары оқу орнында ашылды. Энергия үнемдеу саласының мамандарын даярлап, біліктілігін арттыру үшін 11 оқыту орталығы құрылды. 1000-нан астам маман әзірленді», - деді отырыста Нұрлан Сауранбаев.

Еске сала кетейік, бүгін Үкімет «Энергия үнемдеу-2020» мемлекеттік бағдарламасын қабылдады. Бағдарламаны жүзеге асыруға 1 трлн 182 млрд теңге жұмсалмақ.