"Ата заңым – айбыным!" атты байқауға 63 жұмыс келіп түсті!

ҚР Конституция күніне  байланысты El.kz  әлеуметтік желісі «Ата заңым - айбыным!» атты байқау жариялаған болатын. Аталған байқау әлі де өз жалғасын табуда. Жарысқа қатысуға ниет білдіргендер саны күннен күнге артып келеді. Халықты отаншылдыққа шақыру және Ата заңымызды кеңінен насихаттау мақсатында ұйымдастырылған байқау 1-тамыздан 5-қыркүйекке  дейін жалғасатын болады. 

 Бүгінде жарысқа  қатысуға өтініш бергендер саны  63-ке жетті. Сіз де өз жұмысыңызды жіберуге асығыңыз. Конкурсқа 10-25 жас аралығындағы барлық ниет білдірушілер қатыса алады. Байқауға үздік шығарма (проза немесе поэзия) және үздік сурет (қолмен салынған)   номинациясы бойынша қатысуға болады.

Үздік жұмыстар Конкурстың әділ қазылар алқасының дауыc беруі арқылы анықталады.

Конкурс жеңімпаздары арнайы дипломдармен және бағалы сыйлықтармен марапатталады.