Роберт Мугабе жетінші рет Зимбабве президенті болды

89 жастағы Роберт Мугабе елдің президенті ретінде жетінші мәрте ант қабылдады, деп жазады ВВС.

Шілдеде ол кезекті президенттік сайлауда жеңіске жеткен еді.

Зимбабвиялық көшбасшының қарсыластары сайлау нәтижелері жалған болды дегенді алға тартуда.

Өз кезегінде бұл елдің саясат ардагері сыншыларға сайлау нәтижесімен келісу керек екенін атап өткен. Айта кетейік, Мугабе Зимбабвені 1980 жылдан бері басқарып келеді.