Kaztube бейне-порталы Білім күніне орай тосын сый жасамақ

Бүгін, 22 тамызда Kaztube.kz бейне-порталының қызметкерлері Білім күніне орай «Kaztube-тің үлкен үзілісі» атты акцияның басталғандығын хабарлады. 1 қыркүйек күні шараға қатысушылар бүкіл қазақстандықтарды бейнероликтер арқылы айтулы мерекемен құттықтамақ. 

Бейнероликті түсіріп жатқан портал қызметкерлері оның сюжеті жайлы тіс жарған жоқ. Тек астаналық тұрғындардың біразы түсірілу барасына куә болды. Ал, Kaztube.kz жобасының жетекшісі Айгерім Ермағамбетованың айтуынша, бейнеролик біздің балалық шақты еске түсіре отырып, бүкіл қазақстандықтарды Білім күнімен құттықтауға негізделген. Аталған видео-құттықтауды Kaztube.kz порталынан 1 қыркүйек күні көре аласыздар.