Бүгін - Дүниежүзілік гуманитарлық көмек күні

19 тамыз күні - Дүниежүзілік гуманитарлық көмек күні. БҰҰ Бас Ассамблеясының 2008 жылдың 11 желтоқсанындағы қарарымен бекітілген. 2003 жылы осы күні Бағдадтағы БҰҰ-ның штаб-пәтерінде жарылыс салдарынан 22 адам қаза болды, олардың арасында БҰҰ-ның көрнекті қайраткері Сержиу Виейра ди Меллу болды.

Дүниежүзілік гуманитарлық көмек күні бүтін әлемдегі гуманитарлық көмек көрсету қызметі және бұл салада ынтымақтастықтың маңыздылығы туралы қоғамды ақпараттандыруды арттыруға қолғабыс ету мақсатын тұтады.

Алғаш рет 2009 жылы атап өтілген Дүниежүзілік гуманитарлық көмек күні өзгені құтқару барысында мерт болған адамдарды еске алуға арналды.