Әнші Адель киноға түспекші

Британдық әнші Адель Метью Вон қолға алатын "Құпия қызмет" фильміне шақырту алды. Бұл режиссер осы уақытқа дейін "Х адамдар" туындысын шығарған болатын деп жазады glamurchik.tochka.net.

Аталмыш киноның түсірілім жұмыстары осы жылдың күзінде қолға алынбақшы. Entertainment Wise таратқан ақпарат бойынша, Адельге тыңшының  рөлін сомдау бұйырып тұрған сыңайлы. Алайда, бұл ақпараттың рас-өтірігі туралы әнші де, режиссер де ештеңе деген жоқ.

Британдық орындаушының осы уақытқа дейін телеэкран алдында біраз тәжірибесі барын айта кеткеніміз жөн. Ол "Көріксіз" деп аталатын фильмде өз-өзін ойнаған болатын. Сондай-ақ, "Агент 007. Координаттар. "Скайфол" туындысына арнап "allSkyfall " әнін жаздыртты.