Алматыда «Ақтөбе» футболшысы Эмиль Кенжисариев соққыға жығылды

«Ақтөбе» ойыншысы Эмиль Кенжисариев Алматыдағы ауруханалардың бірінің жан сақтау бөліміне түсті, деп хабарлайды Sports.kz. 

Футболшы 8 тамызда исландиялық «Брейдаблик» клубына қарсы өткізілген ойынға қатысып, Қазақстанға оралған соң бір-екі күн Ыстықкөлде демалмақ болған. 

11 тамызда Эмиль Кенжисариев Алматыдағы ауруханалардың бірінде ес-түссіз жатқаны анықталды. Футболшы бастың самай бөлігінен ауыр соққы алған. «Ақтөбе» командасының дәрігері Алматыға ұшып келе жатыр. Қазір футболшының жанында туған ағасы отыр.

bnews.kz