Елімізде Жаңа Зеландияның «Fonterra» компаниясының тауарларын елдегі сауда нүктелерінде саудалауға және таратуға Бас санитар Жандарбек Бекшин тыйым салды. Бұл туралы ҚР Денсаулық сақтау министрлігі хабарлады.  

«Fonterra»-ның балаларға арналған сүт қоспалары, спорттық протеин қоспалары және басқа да сусындары бактериологиялық түрде ластанған. Сондай-ақ, сүт сарысуының концентратында ботулизм уыты табылған. Бұл ақпаратты Жаңа Зеландияның Алғашқы салалар министрлігі де растап отыр. Осыған орай, жер-жерлерде аталмыш кәсіпорынның өнімдерін саудадан жаппай алып тастау жұмыстарын жедел жүргізу сала мамандарына тапсырылды. 
Ендеше, қадірлі оқырман қауым тұтынатын әрбір өнімді аса сақтықпен пайдаланғаныңыз ләзім. Салғырттық сан соқтырып жүрмесін...

Baq.kz