Білім гранттарының тізімі

Бүгін білім беру гранттары иелерінің ресми тізімі жарияланды,-деп хабарлайды BAQ.kz тілшісі. 

«Егемен Қазақстан» мен «Казахстанская правда» газеттерінің бүгінгі сандарында жарияланған білім гранттарының толық тізімін мына жерден көре аласыздар. Білім беру гранттарын тағайындау бойынша конкурсқа өтініш берушілердің саны - 68742, оның ішінде қазақ тілінде оқыту бөліміне - 51706 адам, орыс тілінде оқыту бөліміне 17036 адам тапсырған. Грант тағайындау бойынша Республикалық конкурстық комиссияның отырысы ағымдағы жылдың 2-5 тамызы аралығында өткізілді.
Республикалық конкурстық комиссияның жұмыс қорытындысы бойынша 30758 адам білім беру гранттарының иегері атанды, оның ішінде қазақ бөліміне - 21064, орыс бөліміне - 9694 адам. Ағымдағы жылы орташа конкурс бойынша бір орынға 2,23 адамнан келді.