Қ.Әлімғазинов: Қазақстанда гуманитарлық білімге талап жоғары

ҚР мемлекеттік хатшысы Марат Тәжиннің баяндамасы қоғамда гуманитарлық білімге талаптың қаншалықты жоғары екенін көрсетті. Бұл туралы BNews.kz тілшісіне ҚР БҒМ Ш.Уәлиханов атындағы Тарих және этнология институты тарихнама, деректану және заманауи методология бөлімінің меңгерушісі Қайрат Әлімғазинов әңгімелеп берді. 

Оның сөзіне қарағанда, «гуманитарлық ғылым ХХI ғасырда ұлттың, мемлекеттің, халықтың бірлігін сақтайтын имунды механизмге айналады». 

«Біздің қоғам мен еліміз қалай дамып жатқаны және өзінің алға басқан тарихи дамуында қайда бет алғаны айқын болуы үшін өткенімізді ұғынуымыз қажет. Бұл ретте тарих ғылымының рөлі зор екені даусыз», - деп мәлімдеді Қ.Әлімғазинов

Тарихшы атап өткендей, Мемлекеттік хатшы тапсырған тезистер отандық тарих ғылымына үлкен жауапкершілік жүктеп отыр. 

Естеріңізге сала кетейік, ҚР Мемлекеттік хатшысы Марат Тәжин Қазақстанның ұлттық тарихын зерттеу бойынша ведомствоаралық жұмыс тобының кеңейтілген отырысы барысында отандық тарихшыларға жаңа тарих мәселелері бойынша зерттеулердің тақырыптық аясын кеңейту міндетін жүктеген болатын.