Сочи Олимпиадасының алауын Грекиядағы Олимп тауында 29 қыркүйекте жағады

Грецияның Олимп тауында Сочидегі Олимпиаданың алауын жағу салтанаты 2013 жылдың 29 қыркүйегінде өтеді, деп хабарлады «Сочи-2014» ұйымдастыру комитетінің президенті Дмитрий Чернышенко.

 Оның берген мәліметі бойынша, Мәскеуге алау 6 қазан күні жеткізіледі, одан кейін Олимпиада ойындарының эстафетасы басталады. Ол 123 күнге жалғасып, шамамен 3 мың елді мекенді басып өту арқылы 65 мың шақырымға созылады. Эстафета барысында алау тіпті Солтүстік полюске де жеткізіледі.

ҚазАқпарат.