Күніне екі тостаған какао ішкен қарттардың есте сақтау қабілеті жақсарады

Жүйелі түрде ыстық шоколадты немесе какаоны пайдалану егде жастағы адамдардың есте сақтау қабілетін жақсартады.

ВВС-дің жазуынша, Гарвард университеті ғалымдарының зерттеуіне қарағанда бір ай бойы күніне екі мәрте құрамында какаосы бар сусынды ішу арқылы мидың қан айналымын айтарлықтай жандандыруға болады. Бұл өз кезегінде есте сақтау қабілетін жақсартуға мүмкіндік береді екен.

Зерттеуге 60 адам қатысқан және олардың орташа жасы 63-ті құрап отыр.

Ұлыбританияның Альцгеймер індетімен сырқат адамдар қоғамының пікірінше, америкалық ғалымдардың зерттеу ауқымы болмашы ғана, алайда бұл бағыттағы аталған ғалымдардың жұмыстары үміт отын ұялатады. Атап айтқанда какаоның адамның есте сақтау қабілетіне әсер етуін зерттеу шаралары жалғасуда.

ҚазАқпарат.